Светқали Нұржанұлының ақындықтан басқа, тарихшы, сазгер, шешен, әнші, астролог, фитолог, шежіреші, баспагер, этнограф, этнолог, фольклоршы, атбегі- сейіс, айтыскер сынды тұлғалық қырларын да оқушылар назарына ұсындық. Бұл арқылы бір адамның бойына бірнеше қасиеттің сиятыны, жігітке жеті өнер де аз екендігі, Светқали атамыздың сегіз қырлы, бір сырлы тұлға екендігін жеткізгіміз келді. Осынау еңбекқорлығының арқасында, ҚР Президенті Қ. К. Тоқаевпен жүздесіп, «Құрмет», «Отан» ордендеріне , « 30 жыл, 30 есім» ұлттық байқауының жеңімпазы, Қарақия ауданының құрметті азаматы т.б марапаттарға ие болған. Светқали Нұржанұлы пір тұтатын, «Даналықтың дәніне» теңеген Әбіш Кекілбайұлы атамыздың айтқан пікірі де енгізілді.
