Бүгін еліміздегі мектептерде соңғы қоңырау соғылды. Бұл күн әсіресе білім ұясынан қанат қаққан түлектер үшін ерекше. Кеше ғана мектеп табалдырығын тарыдай болып аттаған бүлдіршіндер бүгін ел қамын ойлар таудай азамат болды. Талаптанды, оқыды, бар білімді көкейіне тоқыды. Енді шамнан шырақ жағылып, алтын ұя мектебін қимай кетіп барады. Бүгін бұл түлектерге мектеп қоңырауы соңғы рет соғылды. Бұл сәт олардың естерінде ерекше сақталары анық. Қоштасады алтын ұя мектебің, Маңдайыңнан сипап өтер көкте күн. «Сәт-сапар» деп қол бұлғаймыз бәріміз. Тілейміз біз армандарға жеткенін.
