📣 АТА-АНАЛАРҒА АҚПАРАТ
Құрметті ата-аналар!
Алдағы Жаңа жыл мерекесі қарсаңында мектеп әкімшілігі балалардың қауіпсіздігіне қатысты маңызды ақпаратты назарларыңызға ұсынады.
Мектеп аумағында және оқу үдерісіне байланысты ата-аналар мен оқушылардан ақша жинауға, мерекелік іс-шараларға қаржылай үлес қосуды талап етуге, сондай-ақ педагогтерге кез келген түрдегі сыйлықтар беруге және қабылдауға жол берілмейді. Бұл талаптар қолданыстағы заңнамаға сәйкес жауапкершілікке әкелетінін ескертеміз.
Сонымен қатар, мереке күндері оқушылардың қауіпсіздігін қамтамасыз ету — баршамыздың ортақ міндетіміз. Осыған байланысты ата-аналардан төмендегі қауіпсіздік талаптарын қатаң сақтауды сұраймыз:
•балаларға пиротехникалық бұйымдарды (фейерверк, петарда және т.б.) пайдалануға тыйым салу;
•балаларды ересектердің бақылауынсыз қалдырмау;
•электр құрылғыларын, мерекелік гирляндаларды қауіпсіз пайдалану;
•қоғамдық орындарда жол қозғалысы ережелерін сақтау;
•бейтаныс адамдармен қарым-қатынаста сақ болуды ескерту.
Мектеп ұжымы үшін ең басты құндылық — оқушылардың өмірі мен денсаулығы, сапалы білім алуы және тәрбиелі болып қалыптасуы. Ата-аналар тарапынан көрсетілетін ең үлкен қолдау — түсіністік, сенім және ынтымақтастық.
Біздің ортақ мақсатымыз — әрбір бала үшін қауіпсіз әрі қолайлы орта қалыптастыру. Осы бағытта мектеп пен ата-ана бірлесе әрекет етіп, саналы да білімді ұрпақ тәрбиелейік.
Егер балалардың қауіпсіздігіне немесе заң талаптарына қатысты күмәнді жағдайлар орын алса, мектеп әкімшілігіне хабарласуларыңызды сұраймыз.
Құрметпен,«№ 8 жалпы білім беретін мектеп» КММ әкімшілігі
@karakia_bilim_bolimi
@mangystau_obl_bilim_baskarmasy
